sj.f. talsma FRISSEL SITE IT FRISSELGRIEN
INDEX libben eala fryslân reinwetter op 'e hûd opskuor
Libben   Is it libben weardich te libjen hwa bin ik it tramtearre gewisse ûnmachtige de minskheid yn wittens it fersloer yn´t wêzen de dea om neat, ta heil foar .. wat? 't is my oandien ik libje as ferwezeling, mei dy wittenskip, myn macht is net sa great as dy fan Jo, ik soe myn libben jaan.		EALA FRYSLAN Opheape út dridze, besiele troch swit en bloed, Frysk bloed Fryske groun, terpelân sûnder wjergea, gisele troch floed Behurde Friezen troch stiid op striid, efternei sûnder treast It Fryske folk, douhûdich en mânsk, mar mei in eigen geast   Sljocht'eide terpen, it Fryske wêzen fergriemd, fertraapje litten It Rea Klif, troch tiid, is Fryslân syn eigens ferjitten In eigen Fryslân, mei syn memmetaal, hat gjin krêft mear oer Fryslân steatleas, delslein en gjin striid mear, foar immer yn't fersloer   Ik langje nei dy Fryske geast fan douhûdigens, oprjocht en hurd Wat kin ik oars, as myn ferealens op Fryske eigenens beskamme wurd Ik wol my net oerjaan oan it oerwâldzjen fan myn Fryske bloedferbûn Oars bliuw ik toarstigjen, aenst as myn lea rêst, yn fertuteaze Fryske groun.
REINWETTER OP 'E HûD Ik bin noch fan in foargeande generaasje of sa mear, net dat dêr wat mis mei is hjer, it tsjindiel earder, fan in tiid doe 't de douche noch tobbe hjitte sil ik mar sizze ja, it is al efkes lyn, ik wyt it mar sa giet it nou ien kear   yn dy tiid wie ik wol ris oergunstich west op it fee yn't lân as it dan reinde en brodzich wie, in lekker buike opé bealch en as it dan letter droech wie, stiene hja gewoan te dampen it wie in moai oansjen, en it jout noch altiid in bân   noch net sa lang lyn wie it ek sok hjit waer, de hiele dei in donkere loft wie kommende, en ik tocht dit is myn kâns en sei tsjin'e frou "ik doch de klean út en bliuw bûten " hja leauwde my net fansels, it wie ek mar sa'n hjitte hei   dat feroare doe't ik yn'e hûs brocht, wat net wiet wurde mocht, hja sei "do bist net wiis, brûk dyn ferstân man" doe't se dat seach, en "hoe âlder hoe gekker", ik sei tsjin har "do kinst wol meidwaen ju" nou doe doge ik hielendal net mear fansels as ik dat al tocht   ik gie sitten en de bui kaem, ik tocht trochsette jonge, 't is sa dien yn't begjin gie it wol en wie't wol lekker op'e bleate hûd mar dat duorre net sa lang, doe trille ik as in trilboar sa slim ik koe net wer waarm wurde en bin mar ûnder de hjitte douche gien   twa dagen letter wie ik sa ferkâlden as in snip en tige min by siele doe ha ik mar beslètten om fuortoan mear nei myn frou te harkjen se hat neat sein, it is sa'n bêste frou dy't ik troffen ha, en wiizer ek, ek al wol hja net mei my in reinbui op it bleate liif fiele.
Opskuor  libben in tel noch minder yn ivichheid sa as myn flypke yn it wetter fâlt ienris de omjowing yn opskuor bringt om dan foargoed yn'e ûnmjitlikheid te ferdwynen				sj.f. talsma is 60 jier en wennet yn Tsjummearum